Bakı şəhəri Nəsimi rayonunda ümumi abadlaşdırılma layihəsi çərçivəsində işlər daha iki küçədə davam etdirilir. Bu haqda məlumatı Nəsimi rayonu İcra Hakimiyyətinin mətbuat xidməti bu gün, 6 dekabr tarixində qurumun rəsmi saytında yayıb.
20 Yanvar küçəsi 7a və H.Seyidzadə küçəsi 11 saylı binalarda əsaslı təmir işləri aparılır. Hazırda məhəllələrdə söhbətgahlar quraşdırılır, tamet daşları və bordürlər vurulur, asfaltlanma işləri davam etdirilir. Həmçinin, idman və uşaq meydançaları yaradılıb, idman alətləri ərazilərdə quraşdırılır.
Bundan öncə, həmin binaların giriş qapıları və pilləkən qəfəslərinin pəncərələri dəyişdirilib, yeni navalça və borular quraşdırılıb, binanın dam örtüyü əsaslı təmir olunub.
