Bu gün, 17 noyabr tarixində paytaxtın Nəsimi rayonunda Vətən müharibəsi şəhidi Nicat Tarıverdiyevin doğum günü qeyd edilib.
Rayon İcra Hakimiyyəti başçısı, RİH başçısı aparatının məsul əməkdaşları və şəhidin ailə üzvləri şəhidin məzarını ziyarət ediblər, məzarına gül-çiçək dəstələri düzülüb.
Nicat Şöhrət oğlu Tarıverdiyev 1998-ci ildə noyabrın 17-də Bakıda anadan olmuşdur. 132-134 saylı Təhsil Kompleksini, daha sonra Kooperasiya Universitetini bitirmişdir. O, qaydasız döyüş üzrə ölkə və beynəlxalq yarışlarda qalib olmuşdur. Müharibə vaxtı Talış-Suqovuşan istiqamətində döyüşlərdə iştirak etmişdir. Nicat Tarıverdiyev qələbəyə saalar qalmış, 9 noyabr 2020-ci ildə şəhid olmuşdur.
Azərbaycan Respublikasının Prezidenti İlham Əliyevin sərəncamlarına əsasən Tarıverdiyev Nicat ölümündən sonra “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif edilib.
[URIS id=14657]
