Nəsimi rayonunda binalarda quruculuq və yenidənqurma işləri davam etdirilir. Bu haqda 8 fevral tarixində Nəsimi Rayon İcra Hakimiyyəti xəbər verib.
Keçirilən silsilə tədbirlər çərçivəsində Hüseyn Seyidzadə küçəsi, 17 və 21 saylı binaların həyətində quruculuq və yenidənqurma işlərinə başlanılıb.
Görülmüş işlər:
- Binaların həyətinə asfalt örtüyü vurulub;
- Tamet daşları, bardürlar döşənilir;
- Yağış sularını axıdan borular, navalçalar dəyişdirilib;
- Blokların qapı və pəncərələri yeniləri ilə əvəzlənib.
Sakinlərin asudə vaxtlarını səmərəli keçirmələri üçün yeni yaşıllıq zolaqlarının salınması, söhbətgahlar, müxtəlif növ idman qurğuları və uşaq oyun elementlərinin quraşdırılması nəzərdə tutulur.
