Paytaxtın Nəsimi rayonu, Səməd Vurğun küçəsi 85, Mərdanov qardaşları küçəsi 102, və Bakıxanov küçəsi 30 saylı binaları əhatə edən sahələrin abadlıq işləri tamamlanıb. Bu haqda bu gün, 23 dekabr tarixində Nəsimi rayon İcra Hakimiyyətinin mətbuat xidməti məlumat yayıb.
1000 nəfərə yaxın sakinin yaşadığı ərazilərdə 4000 kv.m-dən artıq asfalt örtüyü və 500 kv.m qazon vurulub. Binaların fasadları təmir olunub, girişlərdə 75 ədəd pəncərə yenisi ilə əvəzlənib və yağış sularını axıdan borular dəyişdirilib.
Həmçinin, özbaşına quraşdırılan köşklər sökülüb, söhbətgah və oturacaqlar eləcə də, uşaq meydançası və idman qurğuları quraşdırılıb. 15 nöqtədə işıq dirəkləri qoyulub.
Bundan əlavə, yaşıllıqlar bərpa olunub, təhlükəli vəziyyətdə olan irigövdəli ağaclar aqrotexniki qaydada budanıb.
Hal-hazırda rayonun daha bir neçə ünvanında yenidənqurma işləri təşkil olunur.
[URIS id=21505]
