Beynəlxalq Əlillər günü ilə əlaqədar Nəsimi rayonunda fiziki məhdudiyyətli şəxslər üçün silsilə tədbirlər keçirilib. Bu haqda bu gün, 3 dekabr tarixində Nəsimi rayon İcra Hakimiyyətinin mətbuat xidməti məlumat yayıb.
Rayon ərazisində yaşayan 250 nəfər müxtəlif dərəcəli aztəminatlı kövrək təbəqənin ailələrinə ərzaq bağlamaları təqdim edilib.
Həmçinin, 268 nömrəli xüsusi məktəbin 100 nəfər şagirdinə hədiyyələr verilib, “KOALA PARK” Uşaq Əyləncə Mərkəzində onlar üçün süfrə açılıb və əyləncə proqramı təşkil olunub.
14 oktyabr 1992-ci ildə BMT 3 dekabr tarixini "Əlilliyi olan insanların Beynəlxalq günü" kimi qeyd olunması haqqında bəyannamə qəbul etmişdir. Hal-hazırda dünya əhalisinin təxminən 10 faizi fiziki cəhətdən qüsurlu insanlar təşkil edir.
[URIS id=18114]
