Nəsimi rayonunda binalarda abadlıq işləri aparılır. Bu haqda 11 aprel tarixində Nəsimi Rayon İcra Hakimiyyəti xəbər verib.
A.Məhərrəmov küçəsi, 45, 47 saylı binalarda təmir-bərpa işləri davam etdirilir. Görülmüş işlər:
- təhlükəli vəziyyətdə olan ağaclar aqrotexniki qaydada budanıb və ərazidən çıxarılıb;
- binanın fasadında bərpa və rəngləmə işləri aparılıb;
- yağış sularını axıdan borular və navalçalar dəyişdirilib;
- giriş qapıları və pəncərələr yeniləri ilə əvəz olunub;
- həyətə yeni bordürlər və tamet daşları vurulub;
- istinad divarları aqlay üzlüklərlə bərba olunub;
- müxtəlif növ uşaq oyun elementləri və söhbətgahlar quraşdırılıb.
Binaların həyətində əlil arabalarının hərəkəti üçün yerlər, idman qurğuları, həyətdə oturacaqların quraşdırılması və avtomobillərin parklanması üçün yerlərin ayrılması, həyətdə torpaq işlərinin görülməsi və yeni ağacların əkilməsi, yaşıllıq zolaqlarının salınması, asfalt örtüyünün vurulması işləri nəzərdə tutulub.
