Paytaxtın Nəsimi rayonu, Hüseyn Seyidzadə küçəsi 17 və 21 ünvanlarında yenidənqurma işləri tamamlanıb. Bu haqda bu gün, 22 fevral tarixində Bakuplus.az Nəsimi rayon İcra Hakimiyyətinə istinadən xəbər verir.
Ümumi sahəsi 1 hektar olan, 650 nəfər sakinin yaşadığı ərazidə dam örtüyü, binaların fasadı əsaslı təmir olunub, giriş qapıları pilləkən qəfəslərinin pəncərəsi dəyişdirilib.
Bundan əlavə, söhbətgahlar və oturacaqlar qoyulub, müxtəlif növ uşaq oyun elementləri və idman qurğuları quraşdırılıb. 100 ədəd müxtəlif növ həmişəyaşıl ağac, 200 ədəd dekorativ çiçəklər əkilib, mövcud yaşıllıqlara və ağaclara aqrotexniki qaydada qulluq olunub.
Hazırda rayonun daha bir neçə ünvanında abadlıq-quruculuq və yenidənqurma işləri aparılır.
[caption id="attachment_34497" align="alignnone" width="986"]
Foto Nəsimi rayon İcra Hakimiyyətinin rəsmi saytı[/caption]
