Paytaxtın Nəsimi rayonunda genişmiqyaslı abadlıq-quruculuq layihəsi çərçivəsində asfaltlama işləri aparılır. Bu barədə bu gün, 13 aprel tarixində Nəsimi rayon İcra Hakimiyyətinin mətbuat xidmətindən məlumat verilib.
İşlər Asif Məhərrəmov küçəsi 45 və 47 ünvanlarında yerləşən məhəllədaxili yollarda aparılıb. Həmçinin səkilərdə təmir-bərpa işləri aparılıb, yeni bordürlər qoyulub.
Hazırda rayonun ayrı-ayrı ünvanlarında başlanılmış abadlıq, quruculuq və yenidənqurma işləri davam etdirilir. Həmçinin binaların dam örtüyü və fasadında bərpa və rəngləmə işləri aparılıb, yağış suları axıdan borular və navalçalar dəyişdirilib, giriş qapıları və pəncərələr yenisi ilə əvəz olunub və istinad divarları aqlay üzlüklərlə bərba olunub.
Bundan əlavə, binaların həyətində müxtəlif növ uşaq oyun elementləri və söhbətgah quraşdırılıb.
[URIS id=40581]
