Paytaxtın Nəsimi rayonu, Mir Cəlal, 42 ünvanı əsaslı təmir olunub. Bu haqda bu gün, 28 oktyabr tarixində Bakuplus.az rayon İcra Hakimiyyətinə istinadən xəbər verir.
“ABAD həyət” layihəsi çərçivəsində 1000-ə yaxın sakinin yaşadığı məhəllədə yenidənqurma işləri aparılıb.
Belə ki, pilləkən qəfəslərinin pəncərələri dəyişdirilib, həyətdə zəbt olunmuş sahələr bərpa olunub, avtomobillər üçün parklanma yerləri yaradılıb.
Məhəllədə 3000 kv.m asfalt örtüyü, 300 kv.m tamet daşı vurulub, həyətə söhbətgah və oturacaqlar qoyulub, uşaq meydançası və idman qurğuları quraşdırılıb.
Bundan əlavə, ərazidə yeni yaşıllıq zolağı salınıb, müxtəlif növ gül-çiçək kolları əkilib. 3 nöqtədə işıqlandırma sistemləri, kiçiktutumlu zibil konteynerləri, quş yuvaları və sahibsiz heyvanlar üçün evlər quraşdırılıb.
Hazırda rayonun daha bir neçə ünvanında abadlıq-quruculuq və yenidənqurma işləri davam edir.
[caption id="attachment_76854" align="alignnone" width="640"]
Foto Nəsimi Rayon İcra Hakimiyyətinin rəsami saytı[/caption]
