Nəsimi rayonunda binada abadlıq işləri aparılır. Bu haqda 25 aprel tarixində Nəsimi Rayon İcra Hakimiyyəti xəbər verib.
Alı Mustafayev küçəsi, 41 saylı binada təmir-bərpa işləri davam etdirilir. Görülmüş işlər:
- təhlükəli vəziyyətdə olan ağaclar aqrotexniki qaydada budanıb və ərazidən çıxarılıb;
- binanın fasadında bərpa və rəngləmə işləri aparılıb;
- yağış sularını axıdan borular və navalçalar dəyişdirilib;
- giriş qapıları və pəncərələr yeniləri ilə əvəz olunub;
- binanın qarşısında mövcud istinad divarında dəmir-beton konstruksiya ilə gücləndirmə dayaqları quraşdırılıb;
- həyətə yeni bordürlər və tamet daşları vurulub;
- binanın dam örtüyü əsaslı təmir olunub.
Binanın həyətində sakinlərin asudə vaxtlarının səmərəli təşkili üçün söhbətgah və oturacaqların quraşdırılması işləri nəzərdə tutulub.
[caption id="attachment_41940" align="alignnone" width="800"]
Foto Nəsimi rayon İcra Hakimiyyətinin rəsmi saytı[/caption]
