Paytaxtın Nəsimi rayonu, Nəsibbəy Yusifbəyli, 34 ünvanında sakinlərin yaşadıqları ev hissə-hissə sökülür. Bu haqda bu gün, 23 dekabr tarixində Bakuplus.az Xəzər Xəbər-ə istinadən məlumat verir.
Bildirilir ki, sakinlərlə razılığa gəlməyən ”Anima” MTK birbaşa ərazidə, yaşayış yerlərindən bir neçə metr aralıqda inşaata başlayıb və sakinlərə öz şərtləri altında evdən çıxmağını tələb edir.
“Şirkət deyir ki, mən sənə ancaq ev verəcəyəm və artıq bir qəpik belə verməyəcəyəm. Mən asfaltın üstündə oturmalıyam bu bina tikilənə qədər?! Üstümüzə hücum edir, deyir ki, buradakı hər şey mənimdir”, - deyə sakinlər şikayət edirlər.
Sakinlər əlavə ediblər ki, şirkət cəmi 1 ailə ilə razılığa gəlib, digərləri ilə isə yekun qərara gəlməyiblər.
MTK-nın məsul şəxsi məsələ ilə bağlı verilən suallara: “Mənim boş vaxtım olanda sizə zəng edərəm, görüşüb danışarıq”, - deyə cavab verib.
[caption id="attachment_84400" align="alignnone" width="640"]
Foto Xəzər Xəbərin rəsmi Youtube kanalı[/caption]
