Nəsimi rayonu ərazisində məhəllə və binaların, küçə və parkların abadlaşdırılması işləri davam edir. Bu haqda BakuPlus.az Nəsimi Rayon İcra Hakimiyyətinə istinadən 9 fevral tarixində xəbər verir.
Rayon ərazisində həyata keçirilən silsilə təmir və quruculuq işləri çərçivəsində Moskva prospekti, 90, 92 saylı binaların həyətində quruculuq və yenidənqurma işlərinə başlanılıb.
Binanın fasadında və dam örtüyündə təmir-bərpa işlərinin aparılması, yağış sularını axıdan boru və navalçaların dəyişdirilməsi, blokların qapı və pəncərələrinin yenilənməsi, yeni yaşıllıq zolaqlarının salınması, söhbətgahlar, müxtəlif növ idman qurğuları və uşaq oyun elementlərinin quraşdırılması nəzərdə tutulub.
Sakinlərin müraciətləri nəzərə alınaraq avtomobillərin parklanması üçün yerlərin də yaradılması planda qeyd olunub.
