Bakının mərkəzində zibillik qutuların az olması sakinlərin narazılığına səbəb olur. Bu haqda 2 oktyabr tarixində Oxu.az xəbər verib.
Nəsimi rayonu, Rəsul Rza küçəsində sakinlər məişət tullantılarının içindən keçmək məcbur olur. Məlum olub ki, bu əraziyə zibil həm sakinlər həmdə yaxınlıqda yerləşən obyektlər atır. Lakin zibil qutular az olduğundan zibil yığılaraq ətrafa səpilir. Həmçinin zibil konteynerlərinin piyadalar üçün nəzərdə tutulan piyada səkisində qoyulması da narazılığa səbəb olur.
“Zibil konteynerlərinin piyada səkisindən götürülməsi isə heç cür mümkün deyil. Ərazinin iki tərəfində söküntü işləri gedir, bir tərəfi isə hasarlanıb. Zibil konteynerlərinin yerinin dəyişdirilməsi üçün münasib başqa yer yoxdur. Amma zibil konteynerlərinin sayını yenidən artıra bilərik”- Nəsimi Rayon Mənzil Kommunal Təsərrüfat birliyindən bildirilib.
