Mikrorayonların abadlaşdırılması ilə bağlı kompleks tədbirlər çərçivəsində Nəsimi rayonu H.Seyidzadə küçəsindəki 13 və 17 saylı evlərin həyətində tikinti və yenidənqurma işlərinə başlanılıb. Bu haqda bu gün, 27 dekabr tarixində Nəsimi İcra Hakimiyyətinin mətbuat xidməti məlumat verib.
Hazırda həyətyanı sahəyə asfalt və tamet daşları düzülür, binaların dam örtükləri, yağış suları axıdan navalça və borular, binaların fasadları təmir olunur.
Layihəyə əsasən, müxtəlif idman qurğularının və uşaq meydançasının quraşdırılması nəzərdə tutulub.
Daha öncə, Nəsimi rayonunda ümumi abadlaşdırılma layihəsi çərçivəsində 20 Yanvar küçəsi 7a, 9 və H.Seyidzadə küçəsi 11 saylı binaların əhatə etdiyi məhəllə təmir olunmuşdur.
[caption id="attachment_21871" align="alignnone" width="896"]
Foto Nəsimi rayon İcra Hakimiyyətinin rəsmi saytı[/caption]
