Məhəmmədi kəndinin sakinləri yollardakı işıqlandırmadan şikayətçidir.
Bakuplus.az xəbər verir ki, bununla bağlı tanınmış yumorist Alim Cəfər məlumat yayıb.
Onun sözlərinə görə, Məhəmmədinin içindən keçən əsas yolda dirəklər olsa da, ərazi işıqlandırılmır.
“Onsuz da Bakıətrafı ərazilər unudulub. Heç olmasa bunu düzəldin. Aidiyyəti qurumlar, məsul olduğunuz ərazidə insanlar əziyyət çəkir”, - deyə A.Cəfər bildirib.
Onun sözlərinə görə, işıqlar düzəldilənə qədər bununla bağlı yazmağa davam edəcək.
Məsələ ilə bağlı Bakı Abadlıq Xidmətinə sorğu ünvanlasaq da, qurumdan heç bir cavab ala bilmədik.
