Paytaxtın Xəzər rayonu, Qala-Şüvəlan avtomobil yolunda əsaslı təmir işləri aparılır. Bu haqda bu gün, 28 iyul tarixində Bakuplus.az Avtomobil Yolları Dövlət Agentliyinə istinadən xəbər verir.
Uzunluğu 5,2 km, eni isə ortalama 9 m olan yolda köhnə asfalt örtüyü qaşınaraq, yenisi ilə əvəzlənir. Ərazidə 2745 kv.m sahədə səkinin bərpası, eləcə də hər birinin eni 3.75 metr olmaqla 2 hərəkət zolağının yaradılması nəzərdə tutulub.
Həmçinin yeraltı kommunikasiya xətləri bərpa olunacaq və yeni yağış barmaqlıqları quraşdırılacaq.
Bundan əlavə, cari il ərzində rayonun Mərdəkan, Binə, Buzovna, Qala və Zirə qəsəbələri ərazisində ümumi uzunluğu 15,4 km olan küçə və yollarda təmir işləri davam etdirilir.
[caption id="attachment_54291" align="alignnone" width="800"] Foto AAYDA-nın rəsmi saytı[/caption]
