Bakının müxtəlif rayonlarında Azərbaycan Respublikasının Qida Təhlükəsizliyi Agentliyi (AQTA) növbəti yoxlamalar apararaq bir sıra nöqsanlar aşkar edib. Bu haqda bu gün, 27 dekabr tarixində Bakuplus.az agentliyin mətbuat xidmətinə istinadən məlumat verir.
Belə ki, Nəsimi rayonunda yerləşən "Womens" kafesi obliqat qrupuna daxil olan işçilərin ilkin və dövri tibbi müayinədən keçməməsinə görə, "28 Lounge" kafesi obliqat qrupuna daxil olan işçilərin ilkin və dövri tibbi müayinədən keçməməsinə və baytarlıq şəhadətnaməsi və ya arayışı olmayan heyvan mənşəli məhsulların qəbuluna görə, Binəqədi rayonu, "Clear" hotelinin daxilində restoran obliqat qrupuna daxil olan işçilərin ilkin və dövri tibbi müayinədən keçməməsinə, baytarlıq şəhadətnaməsi və ya arayışı olmayan heyvan mənşəli məhsulların qəbuluna və ev şəraitində hazırlanan məhsulların satışına görə cərimələnib.
Həmçinin Qaradağ, Binəqədi, Yasamal, Pirallahı, Sabunçu, Nəsimi rayonlarında heyvan kəsimi məntəqələri cəzalandırılıb, qanunsuz bərpa edilmiş qurğular yenidən sökülüb.
