Əqli qüsuru olduğu deyilən şəxs Binəqədi rayonu, Sulutəpə dairəsində yerləşən körpünün yaxınlığında 5 ildir ki, yaşayır. Yayda körpünün altında, qışda isə dayanacaqda gecələyir. Bu haqda bu gün, 10 avqust tarixində Bakuplus.az Xəzər Xəbər-ə istinadən məlumat verir.
Yerli sakinlərin sözlərinə görə, həmin şəxs əslən Mingəçevirdəndir. Onun atası tərəfindən şiddətə məruz qaldığı iddia edilir.
Onun necə bu əraziyə gəldiyi bilinmir. Sakinlər onu qida ilə və geyimlə təmin edirlər. Öz soyadını bilməsə də, həmin kişi adının Allahverdi olduğunu deyir.
Sosial Xidmətlər Agentliyindən verilən məlumata görə, qurumun əməkdaşları əraziyə gediblər. Bu şəxs üçün özü haqqında məlumat vermək çətin idi. Onun səhhəti, ailəsi və digər məlumatlar araşdırıldıqdan sonra qərar veriləcək. Lazım gələrsə, müvafiq qurumda yerləşmə məsələsinə baxılacaq.
Daxili İşlər Nazirliyindən (DİN) bildirildi ki, vətəndaşın şəxsiyyətini müəyyənləşdirlir.
