Paytaxtın Binəqədi rayonu, Rəsulzadə qəsəbəsində, Ramiz Aboyev adına istirahət parkında çoxlu sayda ağacların kəsilməsi faktları aşkar olunub. Hal-hazırda ağaclardan geriyə qalan yalnız onların kötük hissələridir. Bu haqda bu gün, 10 mart tarixində Bakuplus.az ATV-yə istinadən məlumat verir.
Şəhid Ramiz Aboyevin adını daşıyan istirahət parkı 1961-ci ildə istifadəyə verilib. Bu illər ərzində parkda yaşıllıq salmaq məqsədilə çoxlu sayda ağac əkilib. Sakinlər deyirlər ki, əkilən ağaclar arasında təhlükəli vəziyyətə düşənlər də az deyil.
Araşdırma zamanı məlum olub ki, istirahət parkındakı ağaclar Rəsulzadə bələdiyyəsinin müraciəti əsasında Bakı Şəhər Yaşıllaşdırma Təsərrüfatı Birliyi tərəfindən kəsilib. Bələdiyyə sədri Hümbət Hüseynov dedi ki, park ərazisində 42 ədəd ağacın təhülkəli vəziyyətdə olması ilə əlaqədar bir müddət öncə Ekologiya və Təbii Sərvətlər Nazirliyinə müraciət olunub. Nazirlik tərəfindən verilən müsbət rəy əsasında qurumuş ağaclar ərazidən götürülüb. Kəsilmiş ağacların yerində yeni ağaclar əkiləcək.
Hümbət Hüseynov onu da əlavə etdi ki, ərazidə yaşayan sakinlər gəlib kəsilən ağacların yerinə baxa bilərlər. O, müvafiq ekspertiza rəyini, kəsilən qurumuş ağacların fotoşəkillərini də təqdim etməyə hazırdır.
[caption id="attachment_93593" align="alignnone" width="640"]
foto atv[/caption]
