Səbail rayonunda şəhid İsmayıl Hüseynovun anım günü keçirilib. Bu haqda 10 oktyabr tarixində Səbail RİH məlumat verib.
Şəhidin anım günü ilə əlaqədar rayon İcra Hakimiyyətinin başçısı, RİH-nin başçısı aparatının məsul əməkdaşları və şəhidin ailəsi Hüseynovun məzarını ziyarət ediblər. Ziyarət zamanı şəhidin əziz xatirəsi dərin hörmət və ehtiramla yad olunub, məzarı üzərinə gül dəstələri düzülüb.
İsmayıl Hüseynov 8 oktyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı həlak olmuşdur. 9 oktyabr 2020-ci ildə Bakı şəhəri, Səbail rayonu, Badamdar qəsəbəsində torpağa tapşırılmışdır. O, ölümündən sonra "Vətən uğrunda", "Cəbrayılın azad olunmasına görə", "Xocavəndin azad olunmasına görə","Füzulinin azad olunmasına görə" və "Şuşanın azad olunmasına görə" medalları ilə təltif edilmişdir.
[URIS id=74098]
