Sabunçu rayonunda qəzalı ev sakinlər üçün təhlükə mənbəyinə çevrilib. Bu haqda 11 yanvar tarixində Bakuplus.az Atv-yə istinadən xəbər verir.
Elşən Mehdiyev küçəsinin sakinləri qəzalı evdə yaşamaqda çətinlik çəkirlər. Burada birinə calanmış vəziyyətdə köhnə elektrik naqillər təhlükə saçır, yağış yağarkən su damdan içəri axır və bundan əlavə, gəmircilər sakinlərə rahat yaşamağa imkan vermir. Sakinlərin sözlərinə görə, soyuq havada, xüsusən də yağış yağarkən, burada yaşamaq çətin olur.
“Sabunçu rayon mənzil kommunal təsərrüfatı birliyinin balansında olan 3 mərtəbəli 46 mənzilli yaşayış binası 2005-ci ildə əsaslı təmir edilib. Lakin hazırda binanın qəzalı vəziyyətdə olması ilə bağlı FHN rəy verməlidir. Yalnız bundan sonra bina yenidən əsaslı təmir oluna bilər”, - binanın qəzalı olması ilə bağlı Sabunçu rayon İH açıqlama verib.
“Mövcud binaya baxış keçirilməsi üçün balanssaxlayıcı və FHN-nin tikintidə Təhlükəsizliyə Nəzarət Dövlət Agentliyi tərəfindən müvafiq müqavilə imzalanmalıdır. Bu müqavilə əsasında Sabunçu rayonu Elşən Mehdiyev küçəsində yerləşən binaya baxış keçirilərək tərəfimizdən rəy verilə bilər”, - FHN-nin faktla bağlı öz mövqeyini deyib.
