Abşeron rayonu Qobu qəsəbəsi, şəhid Nəbi Hacıağayevin adını daşıyan küçə bərbad vəziyyətdədir.
Bakuplus.az xəbər verir ki, bu barədə sözügedən küçənin sakinləri məlumat yayıb.
Sakinlər Qobu qəsəbəsi üçün ayrılan pulların mənimsədildiyini iddia edirlər.
“Küçələr bərbad gündədir. Yollarda heç bir təmir-bərpa işləri görülmür. Qəsəbə yollarının təmiri üçün 1.3 milyon manat ayrılıb. Ancaq verilən əmrlərə vəzifədə oturan məmurlar tərəfindən barmaqarası baxılır. Kimə deyirsən, fikir vermir. Kənd bələdiyyəsi ümumiyyətlə bu işə soyuq münasibət bəsləyir. Nə isə deyəndə, cavab vermirlər. Burada 3 müharibə veteranı, bir qazi və bir şəhid ailəsi qalır. Halbuki bu yollar bərpa olunmaq əvəzinə daha da dağılır”, - şikayətçilərdən biri deyib.
Sakinlər aidiyyəti qurumlardan küçədəki yolların dərhal təmir olunmasını tələb edirlər.
