Bakıda sürücülərdən biri sosial şəbəkədə “Azparking” tətbiqi ilə bağlı şikayətini bildirib.
Bakuplus.az xəbər verir ki, xanım sürücü tətbiqin işləmədiyini və mesaj göndərə bilmədiyini deyib. Həmçinin o, müvafiq orqanların onun şikayətinə baxmadığını da qeyd edib.
“Azərbaycan Yerüstü Nəqliyyat Agentliyi (AYNA), şikayətim sizədir. “Azparking” tətbiqi işləmir, mesaj göndərmək də olmur. Ancaq buna baxmayaraq mənə cərimə yazılır. Maşını park edən zaman ətrafda əməkdaşınız da olmur. Saytınızda da şikayət yazmışam. Ancaq baxılmır”.
Sürücünün sözlərinə görə, tətbiqdə maşını park etdiyi ərazi çıxmayıb:
“Necə olur, bilmirəm. Niyə bəzi məntəqələr tətbiqdə çıxır, bəziləri isə yox. İdarəyə zəng etdim. Əməkdaşlar yoxlayıb dedi ki, tətbiqdə heç bir problem yoxdur”.
Sürücü problemin həll edilməsini tələb edir.
