Meyitlərin birinin Hökümə Əliyevaya aid olduğu təsdiqlənib
Aktau yaxınlığındakı təyyarə qəzasında həlak olan 7 nəfərin şəxsiyyəti müəyyənləşdirilib. Kimliyi məlum olanlar arasında stüardessa Hökumə Əliyeva da var.
Bu haqda Bakuplus.az Qazaxıstan mediasına istinadən məlumat verir.
Qeyd edək ki, H.Əliyevadan başqa pilot İqor Kşnyakinin və pilot Aleksandr Kalyaninovun da meyitləri müəyyənləşdirilib.
***
10:33
Təyyarə qəzasında həlak olanlardan 7 nəfərin şəxsiyyəti müəyyənləşib.
Bu barədə Bakuplus.az Qazaxıstanın Fövqəladə Hallar Nazirliyinə istinadən xəbər verir.
Məlumata görə, həlak olan 38 nəfərin meyiti Tibbi Ekspertiza Mərkəzinə aparılıb, onlardan 6-sı Qazaxıstan vətəndaşı və 3-ü ekipaj üzvləridir.
Qəzanın nəticələrinin aradan qaldırılması üzrə işlərə Qazaxıstanın Fövqəladə Hallar Nazirliyi, Daxili İşlər Nazirliyi, Müdafiə Nazirliyi və Milli Qvardiyasının 306 nəfər şəxsi heyəti, 101 ədəd texnikası, iki ədəd hava gəmisi, 6 kinoloji qrupu və Azərbaycanın Fövqəladə Hallar Nazirliyinin əməkdaşları cəlb edilib.
