TƏBİB-in Strateji inkişaf departamentinin Korporativ əməkdaşlıq şöbəsinin mütəxəssisi Sevil Abdullazadə vəfat edib.
Bu barədə Bakuplus.az-a TƏBİB-dən bildirilib.
Məlumata görə, S.Abdullazadə avtomobil qəzası nəticəsində martın 12-si dünyasını dəyişib.
S.Abdullazadə qəzaya düşməzdən 1 gün öncə işə götürülübmüş.
Bu barədə TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova sosial şəbəkə hesabında yazıb.
O bildirib ki, Sevilin əmri martın 11-də verilmişdi. Həmçinin S.Abdullazadə yaşasaydı aprelin 1-də ad gününü qeyd edəcəkdi.
Bildirilir ki, o, 2019-cu ildə ali məktəblərə qəbul imtahanlarında 600-dən yuxarı bal toplayaraq, Dövlət İdarəçilik Akademiyasına qəbul olub.
Təhsilini magistratura pilləsinin son kursunda davam etdirirmiş.
