Paytaxtın Nəsimi rayonu, Nəsib bəy Yusifbəyli küçəsində yolun hərəkət hissəsinə topa yığılan daş parçaları tökülüb. Bu haqda ATV xəbər reportaj hazırlayıb.
Yerli sakinlərin sözlərinə görə, maneəni burada tikinti işləri aparan şirkət yaradıb. Belə ki, binaya su xəttinin çəkilişi zamanı istifadə olunmamış tikinti materialları yolun düz ortasına atılıb.
Tikinti aparılan ərazinin yaxınlığında yaşayan sakinlər 10 gündür ki, ərazidə bu vəziyyətin hökm sürdüyünü deyirlər. Bu, onsuz da dar olan yolda sürməyi daha da çətinləşdirir.
Araşdırma zamanı məlum olub ki, bu ərazidə çoxmərtəbəli binanın tikintisi “Gloria Palace” tərəfindən sifariş edilib. Lakin jurnalistlər sakinlərin haqlı narazılığına səbəb olan daş qırıntılarının yolun ortasından nə vaxt götürüləcəyi haqda sual verdikdə, qəribə reaksiya ilə qarşılaşıblar. Şirkət nümayəndəsi suallara cavab verməkdən imtina edib və jurnalistləri öz telefonuna çəkməyə başlayıb.
Məlum olub ki, mövcud problemin aradan qaldırılması tikinti şirkətinin planlarına daxil edilməyib. Sakinlər aidiyyəti qurumların baş verənlərə reaksiyasını gözləyirlər.
[caption id="attachment_40639" align="alignnone" width="800"]
Foto Atv-nin rəsmi Youtube kanalı[/caption]
