Bir neçə gün əvvəl Bakıda "Bolt" taksi şirkətinə məxsus BYD avtomobilinin qəza törədən sürücüsü ilk dəfə danışıb.
Bakuplus.az xəbər verir ki, bu barədə sürücünün oğlu şəxsi sosial şəbəkə hesabında görüntülər paylaşıb.
Taksi fəaliyyəti ilə məşğul olan Anar Nəcəfov bildirib ki, o, narkoloji testdən keçib:
"Məni sadəcə qıcolma tutdu, dilim qatlandı, bərk qaza basdım".
O, guya 90 min manat pul yığılması və ona avtomobil hədiyyə ediləcəyi ilə bağlı yayılan xəbərlərə də aydınlıq gətirib:
"Cəmi 3-4 min pul yığılıb. Maşın da hədiyyə edilməyib. Yalan söhbətdir".
Xatırladaq ki, iki gün əvvəl Bakıda "Bolt" taksi şirkətinə məxsus BYD avtomobilinin sürücüsü idarəetməni itirərək Heydər Əliyev prospekti ilə hərəkətdə olan "Ford"a dəyərək qəza törətmişdi.
