Paytaxtın Xətai rayonu, Mirzə Davud küçəsində mədəniyyət evi bərbad vəziyyətdədir. Bu haqda bu gün, 17 sentyabr tarixində Bakuplus.az ATV-yə istinadən xəbər verir.
70 yaşlı tarixi binada bir zamanlar məşhur “Bəxtiyar” filminin bəzi səhnələri çəkilib. 90-cı illərdə burada məcburi köçkünlər məskunlaşmışdır. Daha sonra yanğın baş verib, insanlar köçürülüb və mədəniyyət ocağı narkomanların yuvasına çevrilib.
Xətai rayon İcra Hakimiyyəti məsələdən xəbərdar olduqlarını, sakinlərin xahişi nəzərə alınaraq yaxın zamanda əraziyə baxış keçirilərək qərar veriləcəyini bildirib.
Daxili İşlər Nazirliyindən isə ərazinin nəzarətə götürüldüyü qeyd edilib.
[caption id="attachment_70252" align="alignnone" width="640"]
Foto ATV-nin rəsmi Youtube kanalı[/caption]
