Bu gün Xalq artisti Tofiq Kazımovun anadan olmasından 102 il ötür.
Bakuplus.az xəbər verir ki, o, 14 yanvar 1923-cü ildə Bakı şəhərində anadan olub.
Azərbaycanda lirik-psixoloji teatr məktəbinin yaranması, inkişafı və formalaşması onun adı ilə bağlıdır.
Tofiq Kazımovun quruluş verdiyi tamaşalarda XX əsrin hərəkət və təfəkkür sürəti, qlobal ictimai və siyasi proseslərin ritmi, insanların həyat tərzinin dinamikası, düşüncə tərzinin itiliyi müxtəlif bədii, estetik, fəlsəfi, psixoloji formalarda parlaq təcəssümünü tapıb.
Tofiq Kazımov 1964-1980-ci illərdə Akademik Milli Dram Teatrının baş rejissoru vəzifəsində çalışıb. Xalq artisti Şekspirin “Hamlet”, Cəlil Məmmədquluzadənin “Ölülər”, Cəfər Cabbarlının “Aydın”, Məmməd Səid Ordubadinin “Qılınc və qələm”, İlyas Əfəndiyevin “Sən həmişə mənimləsən” kimi əsərləri tamaşaya hazırlayıb.
