Xətai rayonu Mirzə Davud küçəsinin sakinləri artıq uzun müddətdir kanalizasiya probleminə görə əziyyət çəkir.
Bu barədə Bakuplus.az-a sakinlər məlumat verib.
Onların sözlərinə görə, şikayət edilsə də, məsələ ilə bağlı müvafiq qurumlar heç bir tədbir görmür.
“Küçələrdən çirkab sular axır. İyrənclik, üfunət baş alıb gedir. Ancaq şikayətlərimizə baxan yoxdur”.
Bildirilib ki, yolların vəziyyəti də pisdir.
“Yollar lap pis gündədir. Neçə illərdir bir yol çəkmədilər. Taksilər gələndə dala qayıdır. Hətta sifariş verdiyimiz üçün dava edirlər” - deyə sakinlər bildirib.
Vətəndaşlar tezliklə problemlərin həll edilməsini tələb edir.
