Binəqədi rayonu, Xocəsən qəsəbəsində, ailə torpaq alıb, ancaq ev tikmək alınmır. Bu haqda bu gün, 28 oktyabr tarixində Bakuplus.az İctimai TV-yə istinadən xəbər verir.
Məmmədovlar ailəsi 14.000 AZN məbləğində sənədli torpaq alıb. Ancaq üzərində tikinti üçün icazə almaq istəyəndə qurumlar imtina edib. Beləliklə, ailə artıq 9 aydır ki, aidiyyəti qurumlardan xəbər gözləyir.
Ailə üzvlərinin sözlərinə görə, onlar kənddəki evlərini satıb, son pullarını bu torpağa qoyublar. İndi isə nə pullarını geri ala bilirlər, nə də ev tikə bilirlər.
Xocəsən Bələdiyyəsindən məsələ ilə bağlı bildiriblər ki, tikintiyə icazə vermək onların səlahiyyətində deyil. Binəqədi rayon İcra Hakimiyyətindən isə qeyd olunub ki, bələdiyyə torpaqlarının satılması mümkünsüzdür.
