Paytaxtın Yasamal rayonu, Kamal Rəhimov, 30 ünvanında sakinlər istilik problemlərindən narahatdırlar. Bu haqda bu gün, 10 oktyabr tarixində Bakuplus.az Xəzər Xəbər-ə istinadən məlumat verir.
Ötən ildən istilik sistemi olmadan yaşamağa məcbur olan doqquzmərtəbəli binanın sakinləri qurumların onlara kömək etməməyindən narazıdırlar.
108 nəfərin yaşadığı binaya ötən il cəmi 3-4 gün istilik verilib. Daha sonra sakinlər evlərini elektrik enerjisi vasitəsilə isitməyə məcbur olublar. Bu da xərclərin ciddi artmasına gətirib çıxarır.
“Azəristiliktəchizat” ASC-dən bildirilib ki, həmin binanın problemini həll etmək üçün vacib küçələrdən birini 4-5 günlük bağlamaq lazımdır. Bu da avtomobillərin hərəkətində ciddi maneələr yaradacaq.
“Yekun qərarın verilməsi hələ mümkün olmayıb”, - deyə qurum əlavə edib.
