Yasamal və Nəsimi rayonlarında eyvanlar qəzalı vəziyyətdədir. Bu haqda 4 oktyabr tarixində Bakuplus.az ATV-yə istinadən xəbər verir.
İnşaatçılar prospekti, 134 ünvanında əksər eyvanlar qəzalı vəziyyətdədir. Sakinlərin sözlərinə görə, güclü külək əsən zaman eyvanlardan iri daşlar yerə tökülür. Binanın istismar müddəti bitməsə də, eyvanlar artıq qəzalı vəziyyətdədir. Sakinlər yolda hərəkət edən zaman eyvanın altından keçəndə ehtiyat edirlər. Çünki eyvandan daş parçaları hər an qopub düşə bilər. Sakinlər deyir ki, problem vaxtında aradan qaldırılmasa, eyvanların bir neçəsi təmamilə uçub aşağı töküləcək.
Yasamal rayonu Mənzil Kommunal Təsərrüfatı Birliyi bildirir ki, istismar müddəti başa çatan eyvanlardan onlar da xəbərdardırlar. Mərhələli şəkildə təmir işlərinə başlanılacaq.
Bu cür qəzalı vəziyyətdə olan eyvanlar Nəsimi rayonunda da mövcuddur. Məsələn rayonun Mustafa Bəy Topçubaşov küçəsindəki binada bəzi eyvanların qəzalı vəziyyətdə olması buradakı sakinləri də narahat edir.
Nəsimi rayonu Mənzil Kommunal Təsərrüfatı Birliyi açıqlamasında deyib ki, Nəsimi rayonu ərazisində mərhələli şəkildə qəzalı eyvanlar təmir edilir. Həmin ünvanda yaxın vaxtlarda işlərə başlanılacaq.
[caption id="attachment_72990" align="alignnone" width="640"]
Foto ATV-nin rəsmi Youtube kanalı[/caption]
