Bakıda məktəbin ərazisi narkomanların məskəninə çevrilib. Bu haqda 4 oktyabr tarixində Xəzər Xəbər məlumat verib.
Yasamal rayonu ərazisindəki 38 saylı məktəbin 3 hektarlıq ərazisi narkomanların məskən saldığı məkana çevrilib. Məktəbin həyətində istifadə olunmuş şprislər var və şagirdlər burada hər gün təhlükə ilə üz-üzədirlər. Mövcud vəziyyət şagirdləri, onların valideynlərini və məktəbin pedaqoji kollektivini narahat edir.
Məktəbin direktoru Yaqut Əfəndiyeva deyir ki, 3 hektar ərazisi olan təhsil ocağında 960 şagird təhsil alır. Şagirdlərin təhlükəsizliyini təmin etmək məqsədilə iki giriş qapısı olan bu təhsil müəssisəsinin yalnız ön qapısı istifadə olunur.
Məsələ ilə bağlı DİN bildirib ki, həmin əraziyə fasiləsiz xidmət aparan naryad qrupları təhkim olunub. Polisin keçirdiyi tədbirlər nəticəsində narkotik satışı ilə məşğul olan 7 nəfər saxlanılaraq cinayət məsuliyyətinə cəlb olunub.
