Sabunçu rayonunda bir əsrdən çox yaşı olan bina qəzalı vəziyyətdədir. Bu haqda ATV xəbər verib.
Zabrat-1 qəsəbəsi Nəsibə Zeynalova küçəsində yerləşən binada külək zamanı dam örtüyü çökür, şüşələr isə qırılaraq burada yaşayanların başına tökülür. Sakinlər deyir ki, qış aylarında burda yaşamaq çətin olur.
Məsələ ilə bağlı 3 saylı Xüsusi Təyinatlı Mənzil-Kommunal Təsərrüfat Birliyi bildirib ki, bir ay öncə binanın qəzalı vəziyyəti ilə bağlı FHN-nə müraciət olunub. FHN tərəfindən veriləcək akta uyğun olaraq aidiyyatı qurumlara müraciət ediləcək.
