Bakının Sabunçu rayonu, Zabrat qəsəbəsində, Zabrat-Maştağa avtomobil yolunun kənarında yerləşən avtobus dayanacağının yanında 3 ədəd zibil konteyneri quraşdırılıb. Bu haqda bu gün, 17 sentyabr tarixində Bakuplus.az Xəzər Xəbərə istinadən məlumat verir.
Vətəndaşlar qutuların yerinin dəyişdirilməsini, və bu ərazidə avtobus dayanacağı pavilyonunun yaradılmasını istəyirlər.
Sabunçu rayon İcra Hakimiyyətinin Zabrat qəsəbəsi üzrə nümayəndəliyindən bildirilib ki, bu ərazidəki tullantılar mütəmadi olaraq daşınır, qutular heç vaxt zibillə tam dolmur. Yəni hər hansı antisanitar vəziyyətin yaranmasına yol verilmir.
O ki qaldı zibil qablarının avtobus dayanacağının ərazisinə qoyulmasına, qeyd olunub ki, obyektlərin yaxınlığı səbəbindən yer məhdudiyyəti var. Bu konteynerlərin yeri əvvəllər dəyişdirilsə də, sakinlər buna etiraz edərək, onların bu yerdə quraşdırılmasını xahiş ediblər. Həmçinin qeyd olunub ki, zibil qablarının yeri yalnız yerli sakinlər arasında razılığa gələrək bunun üçün uyğun yeni yer seçildiyi halda dəyişdiriləcək.
[caption id="attachment_70241" align="alignnone" width="640"]
Foto Xəzər Xəbərin rəsmi Youtube kanalı[/caption]
