Hüseynbala Balaəli oğlu Əliyev 25 noyabr 1918-ci ildə Bakının Pirşağı qəsəbəsində anadan olub.
Əliyev Bakıdakı 39 nömrəli ibtidai məktəbdə oxuyub. Sonra o, “Qırmızı dəmirçi” fabrik-zavod məktəbində təhsil alıb. O, 1935-1939-cu illərdə Bakı təyyarə klubunda ilk uçuş təcrübəsini alıb. [https://www.moypolk.ru/soldier/aliev-guseynbala-balaali-ogly] [https://flot.com/publications/books/shelf/mamedov/5.htm]
1940-cı ildə Əliyev Rusiyanın Yeysk hərbi-dəniz məktəbinə daxil olub. Hərbi məktəbi bitirdikdən sonra leytenant Əliyev Baltika dəniz aviasiyasında xidmət edib.
1941-ci ildə, Böyük Vətən müharibəsi başlayanda Əliyev Leninqrada köçürülüb. O, 27 gün ərzində qırıcı-təyyarəçi kimi 49 döyüş uçuşu keçirib. [Алиев Гусейнбала Балаали оглу - летчик-истребитель, лейтенант морской авиации — OurBaku]
18 iyul 1941-ci ildə o, düşmənin üç “Yunkers-88” təyyarəsi ilə döyüşə girib və ölümcül yaralanıb. Kabinədə partlayan düşmən mərmisindən pilot 30-a qədər qəlpə yarası alıb, buna baxmayaraq, təyyarələrdən ikisini vurub. Öz təyyarəsini salamat yerə endirsə də, 20 dəqiqədən sonra o, aldığı çoxsaylı yaralardan həlak olub. [http://sabunchu-ih.gov.az/az/page/282.html]
Hüseynbala Əliyev Sankt Peterburqun Nizino kəndində dəfn olunub. Pilot ölümündən sonra “Lenin ordeni” ilə təltif edilib.
N.K.Çukovskinin “Baltik səması” romanında, V.Ketlinskayanın “İradə” hekayəsində Hüseybala Əliyevin qəhrəmanlığından bəhs edilir. Məmməd Rahimin “Leninqrad göylərində” poeması ona həsr olunub. Bundan əlavə, onun haqqında “Qafqaz qartalının uçuşu” və “Hünər əbədidir” filmləri çəkilib. [https://www.youtube.com/watch?v=0b_Vvy8is9k]
Bakı şəhərində bir küçə qəhrəman Hüseynbala Əliyevin adını daşıyır, Pirşağı qəsəbəsində onun büstü qoyulub. [https://www.anl.az/down/meqale/medeniyyet/2010/iyul/127436.htm]
