Hacıbaba Ağarza oğlu Bağırov 12 iyun 1932-ci ildə Bakının Maştağa qəsəbəsində anadan olub.
Məktəbi bitirəndən sonra Bağırov 1947-ci ildə Azərbaycan Dövlət Akademik Dram Teatrı nəzdindəki aktyorluq kursuna yazılıb. 1953-cü ildə Bağırov Azərbaycan Dəmiryol Məktəbini bitirib və Biləcəri deposunda maşınistin köməkçisi kimi işləyib. Aktyor 1962-ci ildə Azərbaycan Dövlət Musiqili Komediya Teatrına dəvət alıb. Burada fəaliyyət göstərdiyi vaxtda 50-dən çox obraz canlandırıb. [https://modern.az/az/news/43575/hacibaba-bagirovun-5-arvadi-hebsxana-heyati-aktrisa-sevgilisi-arasdirma]
Sənətkar teatrla yanaşı, kino sahəsində də çıxış edib. Hacıbaba Bağırovun ilk çəkildiyi film “Ulduz” olub. O, “Ulduz”da Möhsün “Alma almaya bənzər”də Məmmədəli, “Şirbalanın məhəbbəti”ndə “Şirbala” obrazlarını canlandırıb.
[https://medeniyyet.az/page/news/18803/-Komik-obrazlarin-mahir-ifacisi:-Hacibaba-Bagirov.html?lang=ru]
Hacıbaba Bağırov beş dəfə ailə həyatı qurub. Sonuncu evliliyi özündən 37 yaş kiçik Arzu Bağırova ilə idi. Hacıbabanın həyat yoldaşı deyir: “Gənc yaşlarından bu böyük sənətkara pərəstiş edirdim və uşaq olarkən hər bazar günü səhər verilişini gözləyirdim. Heç vaxt ağlımdan keçə bilməzdi ki, bir zamanlar gələcək, mən də bir yaşa çatacağam, Hacı ilə görüşəcəyəm, ilk görüşümüzdə o mənə evlilik təklif edəcək və biz evlənəcəyik”.
Aktyor Üzeyir Hacıbəylinin “Arşın mal alan” tamaşasında Soltan bəy, “O olmasın, bu olsun”da Məşədi İbad, Emin Sabitoğlunun “Hicran” tamaşasında Mitoş rollarını canlandırıb.
[http://anl.az/el/emb/TEATR/aktyorlar/hacibaba_bagirov.htm]
O, 1974-cü ildə Əməkdar, 1982-ci ildə Xalq artisti fəxri adlarına layiq görülüb.
Sənətkar 1989-1996-cı illərdə yaratdığı “Tənqid-təbliğ” teatrının bədii rəhbəri vəzifəsində çalışıb. Bağırov 1996-cı ildən ömrünün sonuna kimi Ş.Qurbanov adına Azərbaycan Dövlət Musiqili Komediya Teatrının direktoru olub. [http://kinobiz.az/celebrity/hacibaba-bagirov/] Hacıbaba Bağırov 4 oktyabr 2006-ci ildə vəfat edib. O, İkinci Fəxri xiyabanda dəfn olunub. [Şərq.- 2011.- 29 iyun.-S. 11]
