Sona Piri qızı Nuriyeva 15 dekabr 1915-ci ildə Bakının Əmircan qəsəbəsində anadan olub. [Azərbaycan Sovet Ensiklopediyası VII Cild. S. 304.]
O, orta məktəbi bitirdikdən sonra, 1931-ci ildə Bakı aeroklubuna daxil olur. 1936-cı ildə Bataysk (Rusiya) təyyarəçilik məktəbini bitirən Sona Nuriyeva Azərbaycan mülki aviasiya idarəsində təyyarəçi işləməyə başlayır. [https://www.facebook.com/299056790296615/posts/644121985790092/] [Azərbaycan Sovet Ensiklopediyası VII Cild. S. 304.] [https://azerhistory.com/?p=31846]
Böyük Vətən müharibəsi illərində Sona xüsusi tapşırıqla Tehran üzərində uçuşlar həyata keçirib. 1945-ci ilin əvvəllərində beynəlxalq hava xəttində - Almaniya, Polşa, Bolqarıstan, Yuqoslaviya və s. ölkələrin səmalarında uçub. O, “Aeroflot”un təyyarəçilərindən biri kimi beynəlxalq uçuşlar yerinə yetirib. 1949-1968-ci illərdə fəaliyyətini dispetçer kimi Zabrat aeroportunda davam etdirib. [Azərbaycan Sovet Ensiklopediyası VII Cild. S. 304.] [https://www.youtube.com/watch?v=aOTc9-WflDA]
Sona Nuriyeva 1968-ci ildən respublika, 1978-ci ildən ittifaq əhəmiyyətli təqaüdçü olub. Nuriyeva SSRİ Ali Sovetinin 1-2-ci çağırış deputatı seçilib. O, “Şərəf nişanı”, “Lenin” ordenləri, “Qafqazın müdafiəsinə görə”, “Almaniya üzərində qələbəyə görə” medalları ilə təltif olunub. [https://azerhistory.com/?p=31846] [https://www.youtube.com/watch?v=aOTc9-WflDA]
Sona Nuriyeva 1986-cı ildə Bakıda vəfat edib. [https://www.youtube.com/watch?v=aOTc9-WflDA]
