Azərbaycan Alpinizm Federasiyasının üzvü Rinat Rəhimxanov noyabrın 8-də dünyanın ən hündür zirvələri Everest, Lhotze, Ço-Oyu dağlarının əhatəsində yerləşən və öz gözəlliyi və texniki marşrutları ilə seçilən Ama-Dablam (6812m) zirvəsinə solo (tək) qalxıb. Bu haqda bu gün, 10 noyabr tarixində Bakuplus.az məlumat verir.
Dağçı öz ekspedisiyasını Zəfər Gününə həsr edib. Qaya və buz marşrutlardan ibarət olan və 3 gün davam edən dırmaşma nəticəsində Azərbaycan Bayrağı Ama-Dablamın zirvəsində dalğalanıb.
Rinat Rəhimxanov cari ilin fevralında federasiyanın baş katibi, idman ustası İsrafil Aşurlı ilə birlikdə Türkiyənin Hatay vilayətində baş vermiş güclü zəlzələdən sonra xilasetmə əməliyyatında iştirak edib.
[caption id="attachment_119374" align="alignnone" width="640"]
Foto açıq mənbədən[/caption]
