Özbəkistandan Türkiyəyə gedən aşpaz Bakıdakı Heydər Əliyev adına Beynəlxalq Hava Limanında saxlanılıb. Bu haqda bu gün, 10 noyabr tarixində Bakuplus.az Qaynarinfo-ya istinadən məlumat verir.
22 yaşlı Uyda Kurabyev (ad-soyad şərtidir) çantalarında Özbəksitandan Türkiyəyə aparmaq istədiyi 400 qutu siqaretin aşkarlanması səbəbindən saxlanılıb. Məhkəmə prosesində o bildirib ki, Özbəkistan Respublikasından birbaşa Türkiyəyə biletlər baha olduğundan Bakı şəhərinə gəlib və buradan İstanbula getmək istəyib. O, həmin siqaretləri satmaq deyil, Türkiyədə yaşayan qardaşına aparmaq istəyib.
Məhkəmənin qərarı ilə Uyda Kurabyev təqsirli bilinib və inzibati xətanın bilavasitə obyekti olan tütün məhsulları müsadirə edilib.
