Paytaxtın Nəsimi rayonunda 17 yaşlı oğlan qətlə yetirilib, iki nəfər saxlanılıb. Bu haqda bu gün, 26 iyun tarixində Bakuplus.az Nəsimi Rayon Prokurorluğuna istinadən məlumat verir.
Hadisə ötən gün gecə saat 02:00 radələrində baş verib. Cavadxan küçəsində 16 yaşlı Mehman Nəsibov və Əli Vəliyev (ad və soyadlar şərti olaraq verilib) aralarında yaranmış mübahisə zamanı birləşərək 17 yaşlı Azər Məmmədova (ad və soyad şərti olaraq verilib) bıçaqla xəsarətlər yetirərək onu öldürüblər.
Mehman Nəsibov və Əli Vəliyev polis əməkdaşları tərəfindən saxlanılaraq istintaqa təhvil verilib və rayon prokurorluğu tərəfindən şübhəli şəxs qismində tutulublar.
Faktla bağlı Nəsimi rayon prokurorluğunda Cinayət Məcəlləsinin müvafiq maddəsi ilə cinayət işi başlanaraq ibtidai istintaq aparılır.
