Bakının Binə qəsəbəsində uşaqların zəhərlənməsinə səbəb olan dönərxananın fəaliyyəti dayandırılıb. Bu haqda bu gün, 25 oktyabr tarixində Bakuplus.az Report-a istinadən məlumat verir.
Sabunçu Tibb Mərkəzinin nəzdindəki 5 saylı Uşaq Yoluxucu Xəstəliklər Xəstəxanasında ümumilikdə 21 uşaq hospitalizasiya olunub. Bir uşaq ailəsinin iltizamnaməsi ilə ambulator müalicə üçün artıq evə buraxılıb. Hazırda hər birinin vəziyyəti stabildir.
09:16 - Bakıda 20 məktəbli dönərdən zəhərlənib
Bakının Binə qəsəbəsində 88, 117, 121 və 149 nömrəli tam orta məktəblərinin şagirdləri zəhərlənmə diaqnozu ilə xəstəxanaya yerləşdiriliblər. Bu haqda bu gün, 25 oktyabr tarixində Bakuplus.az Oxu.az-a istinadən məlumat verir.
Ötən gün axşam saatlarında Sabunçu Tibb Mərkəzinin nəzdindəki 5 saylı Uşaq Yoluxucu Xəstəliklər Xəstəxanasına ümumilikdə 20 şagird hospitalizasiya olunub. Uşaqlarda qida mənşəli narahatlıq və ürəkbulanma əlamətləri müşahidə olunub.
Dönərdən zəhərlənən 20 şagirdinin adı məlum olub. Bunlar aşağıdakılardır: Ş.Vəlizadə (11 yaş), H.Mustafayev (11 yaş), Y.Muradlı (11 yaş), T.Abdullayev (11 yaş), R.Əsgərli (10 yaş), B.Seyidzadə (11 yaş) və qardaşı F.Seyidzadə (14 yaş), S.Qasımlı (15 yaş), A.Abbaszadə (11 yaş), M.İsmayılov (10 yaş), İ.Sadıqzadə (14 yaş), C.Muradov (15 yaş), T. Talıbov (12 yaş), S.Bədəlli (13 yaş) və bacısı J.Bədəlova (15 yaş), Ə.Qasımov (14 yaş), Y. İbadov (14 yaş), R.Şükürov (11 yaş), F.Quliyev (14 yaş) və Ü.Səlimli (13 yaş).
Qeyd olunur ki, uşaqlar qəsəbə ərazisində yerləşən kafelərin birindən dönər alıb yediklərini bildiriblər. Faktla bağlı Azərbaycan Respublikasının Qida Təhlükəsizliyi Agentliyinin mütəxəssisləri tərəfindən araşdırmalara başlanılıb.
