Qohumu tərəfindən qətlə yetirilən Etibar Fətəliyevin fitnes üzrə peşəkar idmançı olduğu bildirilir. Bu haqda bu gün, 15 yanvar tarixində Bakuplus.az Qafqazinfo-ya istinadən məlumat verir.
Həmçinin məlum olub ki, hadisə mübahisə zəminində baş verib. Xalası oğluna gücünün çatmayacağını görən şəxsin bıçaqla ona zərbələr endirərək qətlə yetirdiyi deyilir.
Hadisə Səbail rayonu, Salyan şossesi, 15 ünvanında baş verib. Xəstəxanaya aparılan Etibar Fətəliyev yolda kəskin qanitirmədən vəfat edib. Faktla bağlı “Qəsdən adam öldürmə” maddəsi ilə cinayət işi aparılır.
11:46 - Bakıda 29 yaşlı kişi qohumu tərəfindən bıçaqlanaraq öldürülüb
Bakının Səbail rayonunda yanvarın 13-də saat 22:00 radələrində 29 yaşlı Etibar Fətəliyev bıçaqlanaraq öldürülüb. Bu haqda bu gün, 15 yanvar tarixində Bakuplus.az Azərbaycan Respublikası Baş Prokurorluğuna istinadən məlumat verir.
Onun qohumu tərəfindən qətlə yetirildiyi bildirilir. Prokurorluğun mətbuat xidmətindən əldə olunan məlumata görə, 31 yaşlı Yusif İsmayılov aralarında yaranmış münaqişə zəminində Zərdab rayonunun Pərvanlı kənd sakini olan E.Fətəliyevi bıçaqlayaraq qəsdən öldürüb.
Sosial şəbəkələrdə yayılan paylaşımlarda mərhumun İsmayılovun xalası oğlu olduğu deyilir.
İsmayılov polis əməkdaşları tərəfindən saxlanılaraq istintaqa təhvil verilib. Hazırda faktla bağlı ibtidai istintaq aparılır.
