Bakının Xəzər rayonu, Şüvəlan qəsəbəsi, “Şinçi” düşərgəsində mayın 25-dən 26-na keçən gecə qətl hadisəsi baş verib. Bu haqda bu gün, 26 may tarixində Qafqazinfo baş verib.
Göstərilən ünvana gedən təcili tibbi yardım briqadası düşərgədə yaşayan 47 yaşlı Vaqif Mustafayevi ağır vəziyyətdə aşkar edərək Sabunçu Tibb Mərkəzinə çatdırıb. Müayinə zamanı kişinin gözaltı nahiyəsində, hər iki bazu hissəsində, əlində, dizində və başında xəsarətlər aşkar olunub. Xəstəxanaya yerləşdirilən kişi aldığı yaralardan dünyası dəyişib.
İlkin məlumata görə, kişinin bədəninə xəsarətlər küt alətlə yetirilib. Faktla bağlı Xəzər rayon prokurorluğunda cinayət işi başlanıb.
Kişini döyərək qətlə yetirən şəxsin kimliyinin müəyyən edilməsi, hadisənin hansı şəraitdə və hansı səbəbdən baş verdiyinin müəyyənləşdirilməsi istiqamətində araşdırma aparılır.
