Bakı Şəhəri üzrə Təhsil İdarəsi şagirdin müəllimi döyməsi ilə bağlı yeni məlumat yayıb. Bu haqda bu gün, 16 iyul tarixində Qafqazinfo məlumat verib.
Hadisə ilə bağlı əsaslı araşdırma aparılıb. “Məlum olub ki, tədris prosesi zamanı şagird müəllimin əsaslı və müsbət xarakterli tələbkarlığına qarşı çıxaraq ona əli ilə zərbə vurub. Şagirdin müəllimə qeyri-uyğun davranışı ilə bağlı şagirdlə müvafiq qaydada söhbət aparılıb. Müəllim A.Mustafayev fəaliyyətini digər ümumi təhsil müəssisəsində davam etdirir”, - qurumdan bildirilib.
Daha öncə, aprel ayında məlum olmuşdur ki, Nardaran qəsəbəsi 130 saylı orta məktəbin 10-cu sinif şagirdi ilə həmin məktəbin müəllimi arasında şagirdin dərsə gecikməsinə görə mübahisə yaranmışdır. Qeyd edilmişdir ki, şagirdin valideynləri məktəbə dəvət olunmuş, müəllimdən üzr istəmişdirlər.
