Bakıda oğurluq əməli törədən 3 nəfər saxlanılıb. Bu haqda 6 yanvar tarixində Bakuplus.az Daxili İşlər Nazirliyinə istinadən məlumat verir.
Nəsimi rayonunda dekabrın 25-də və 30-da rayon ərazisindəki bir evdən notbuk və mobil telefon, S.Təhməzovanın çantasından pul, bank kartı, şəxsiyyət vəsiqəsi və mobil telefon oğurlanıb. Polisin keçirdiyi əməliyyat-axtarış tədbirləri nəticəsində Hacıqabul rayon sakinləri T.Atamalıyev və F.Səmədov saxlanılıblar.
Səbail rayonunda dekabrın 31-də S.Səlimova məxsus çanta oğurlanıb. Çantanın içərisində 1000 manat pul, qulaqcıq, ətir və bank kartı olub. Polis əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən Abşeron rayon sakini C.İsmayılov saxlanılıb.
Hər iki faktla bağlı araşdırma davam edir.
