Bakıda avtomobilin dövlət nömrə nişanını oğurlayaraq pul tələb edən şəxs saxlanılıb. Bu haqda bu gün, 22 mart tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Fevralın 25-dən 28-dək olan müddətdə naməlum şəxsin Ş.Rəhimova məxsus “Mercedes” markalı avtomobilin dövlət nömrə nişanını oğurlayaraq geri qaytarmaq müqabilində 1000 manat tələb etməsi barədə polisə məlumat daxil olub.
Yasamal RPİ 27-ci PB əməkdaşlarının həyata keçirdikləri əməliyyat-axtarış tədbirləri nəticəsində şübhəli bilinən Bakı sakini T.Məmmədov saxlanılıb.
Faktla bağlı araşdırma aparılır.
