Bu gün, 30 noyabr saat 09:20 radələrində Abşeron-Puta mənzilində dəmir yolunu keçmək istəyən 25 yaşlarında qızı drezin (yol təmiri maşını) vuraraq öldürüb. Bu haqda Bakuplus.az "Azərbaycan Dəmir Yolları" QSC-yə (ADY) istinadən məlumat verir.
Maşinist qəfil əyləcə bassa da, toqquşma qaçılmaz olub. Aldığı xəsarətlərdən qadın yerindəcə keçinib.
"ADY bir daha piyadaları kritik təhlükəli zona hesab olunan dəmir yolu xətlərini yalnız müəyyən olunmuş yerlər və keçidlərdən istifadə etməklə keçməyə çağırır. Qaydalara riayət etmək hər bir vətəndaşın borcudur", – deyə məlumatda qeyd olunub.
