TikTok sosial şəbəkəsində “Ömər” adı ilə məşhur olan 23 yaşlı Rövşən Camirzəyev həbs olunub. Bu haqda bu gün, 3 mart tarixində Qafqazinfo məlumat verib.
Səbail Rayon Məhkəməsinin qərarı ilə Camirzəyevə İnzibati Xətalar Məcəlləsinin “Xırda xuliqanlıq” maddəsi ilə 15 sutka inzibati həbs cəzası verilib.
Tiktokerin saxlanma səbəbinə gəlincə, onun paytaxtın mərkəzində, xüsusən də “Torqovaya” kimi tanınan Nizami küçəsində insanların sıx toplaşdığı yerlərdən elektroskuterini sürərək ictimai asayişi pozduğu və hərəkətlərini videoya çəkərək paylaşdığı bildirilib.
İki gün öncə TikTok sosial şəbəkəsində məşhur olan bloger Səbuhi Xanlarov həbs olunub. Onun həbs edilməsi TikTok-dakı canlı yayımda "Daqqılı" ləqəbli Ziliş Cəfərovu təhqir etməsi ilə bağlıdır. S.Xanlarov və "Magerramoff" adlı TikTok istifadəçisi Əmrah Məhərrəmov canlı efirdə Daqqılının şalvarını soyundurublar.
